Айсулуу, Мээрим... Кыргыздын балбан кыздары тууралуу тасманын биринчи бөлүгү тартылды
2324
Эркин күрөш боюнча өлкөнүн кыз-келиндер курама командасы тууралуу толук метраждуу даректүү тасманын 60 мүнөттүк алгачкы бөлүмү тартылып бүттү. Бул туурасында "Кыргызфильм" улуттук киностудиядан маалымдашат.
Тасманы тартуу иштери 2022-жылдын башында башталган.
Даректүү тасмада кыргыздын дүйнөгө таанымал кыздары Айсулуу Тыныбекова, Мээрим Жуманазарова жана башка спортчу кыздарынын жашоосу, өмүр баяны, машыгуу учуру, эл аралык таймаштарга катышкандыгы, коомчулук билип-билбеген окуялары, кыял-жоруктары чагылдырылат.
Алдыда дагы 60 мүнөттөн турган 6 бөлүмдүү фильмдин уландысын тартуу пландалууда.
Тасма "Кыргыздын кыраан кыздары" деп аталат, сценаристи жана режиссёру – Асел Жураева.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanaripkg.kaktus.media/7528
