Украинадагы кырдаалга байланыштуу Россиядан акча которуулар үч эсе азаят
Дүйнөлүк банктын Миграция жана өнүгүү тармагындагы билим берүү боюнча глобалдуу өнөктөштүккө аналитикалык сереп (KNOMAD) бөлүмү белгилегендей, Украинадагы аскердик аракеттердин айынан 2022-жылы Кыргызстанга жөнөтүлгөн акчалардын агымы 33%га кыскарат. Мындан мурун, быйыл 3%га өсөт деп божомолдонгон болчу.
Дүйнөлүк банктын божомолунда Борбор Азиядагы көпчүлүк өлкөлөр Россиядан которулган акча каражаттарынан көз каранды. Мисалы, Кыргызстанга которулган жалпы акча каражаттарынын 83%ы Россиядан.
Акча которуулардан көпчүлүк жарандардын финансылык тиричилиги көз каранды. Мисалы, 2020-жылы Кыргызстан менен Тажикстанда мигранттар жөнөткөн акчалай каражаттар ИДПнин 31 жана 27%ын түзгөн. Бул товарлардын экспорту жана тейлөө көрсөтүү тармагынан да көп.
Эске салсак, Россиянын Украинадагы аскердик аракеттерине байланыштуу Россия Федерациясына экономикалык санкциялар салынган. Алар рублдин курсуна жана банк системаларынын ишине таасир эткен.
