Азык-түлүк кайра кымбаттады. Баалар
Кечээ, 24-февралда Кыргызстандын коммерциялык банктарында доллар 95 сомго чейин көтөрүлдү.
Курс турукташпаса, кайрадан белди бекем бууш керек болот. Себеби мындай көрүнүш бардык бааларга, биринчи кезекте азык-түлүктүн наркына таасирин тийгизет.
Акыркы бир айда азык-түлүк кайрадан кымбаттады.
Гречканын базар баасы 120 сом.
Жалпысынан эле дан-эгиндердин килограммы 10 сомго кымбаттаган.
Кумшекердин бир килограммынын орточ баасы 70 сом. Күзүндө 57 сом болчу.
Суу майдын баасы 5-10 сомго өскөн. Жакшы өтпөгөн маркаларына акция жүрүп, литри 135 сомдон сатылууда.
Ун жана ун азыктары да 10-15 сомго кымбаттады.
Ал эми айрым макарон өндүрүүчүлөр продукциянын баасын кескин көтөрбөстөн салмагын бир аз азайтып коюшкан.
Уйдун эти базарда 480 сомдон 500 сомго чейин. Супермаркеттерде - 500 сомдон жогору. Койдун эти 460 сом.
Тооктун жумурткасы мурунку баа менен эле сатылып жатат.
