Нурсултан Назарбаев Казакстан элинен кечирим сурады
Даярдалып жаткан тасманын жаңы тизеринде - "Портреттик штрихтер. Аяндар" интервьюсунда Назарбаев кечирим сураган. Бул тууралуу бүгүн EurAsia Daily билдирди.
"Мен эч качан айтпаган бир нерсени айтайын. Бул сен үчүн сенсация болот. Алар мени кечиришсин. Мен үчүн оор. Коркпогон адамдар жок", - деди Назарбаев тизердин үзүндүсүндө.
Казакстандын экс-президентинин басма сөз катчысы Айдос Укибайдын айтымында, бул Нурсултан Назарбаев фондунун колдоосу менен ишке ашкан даректүү долбоордун бешинчи сериясы.
Документалдуу фильмдин биринчи бөлүгүндө Назарбаев "качкын банкирдин чыккынчылыгы" Мухтар Аблязов жөнүндө айткан.
Ошондой эле Касым-Жомарт Токаев менен президенттин ыйгарым укуктарынан кетээрин жарыялаганга чейинки сүйлөшүүсү тууралуу айтып берди. Кийинчерээк ал апасынын жоготуусун дагы деле көтөрө албай келгенин кошумчалаган.
Экинчи бөлүктө Назарбаев СССР кулаганда ага Түркстан мамлекеттеринин биримдигин түзүү сунушу кандай болгонун жана Чыгыш Казакстан облусунун акимчилигине кол салуу аракети жөнүндө айтып берди.
Экс-президент ошондой эле революция учурунда Аскар Акаев менен Курманбек Бакиевди Кыргызстандан учактар кантип алып кеткенин эске салды.
Тасманын үчүнчү бөлүгүндө Назарбаев үй-бүлөсү, неберелери, аялдарга болгон мамилеси тууралуу жеке суроолоруна жооп берип, сүйүктүү китептери жана диетасы тууралуу маек курган.
