Химкиде кыргызстандыктарга кол салуу боюнча кылмыш иши козголду
Кечээ, 15-июлда Россиянын полиция кызматкерлери 9-июлдан 10-июлга караган түнү Химки шаарында төрт кыргызстандыкты бычак менен сайганын мойнуна алган эки шектүүнү кармашты, деп билдирди КР ИИМдин басма сөз кызматы.
Азыр жабырлануучулардын катышуусунда кармалгандар менен бардык зарыл болгон процессуалдык иш-чаралар жүргүзүлүүдө.
Эске салсак, 2021-жылы 9-июлдан 10-июлга караган түнү Химки шаарында "Блок Пост" бильярд клубунда эки топтун ортосунда оозеки жаңжал чыгып, ал бычакташууга чейин жеткен. Натыйжада белгисиз адамдар төрт кыргызстандыкты бычак менен сайып кетишкен. Алар медициналык жардам алуу үчүн №1 Долгопрудненск шаардык борбордук ооруканасына жеткирилген. Ал эми алган жаракаттары өтпөгөндүктөн, алар амбулатордук дарылоону белгилешти.
Химки шаарынын аймактык полиция бөлүмүнүн тергөө бөлүмү "Бейбаштык" боюнча кылмыш ишин козгогон. Россия Федерациясынын Кылмыш-жаза кодексинин 213-бөлүгү "Курал же курал катары колдонулган буюмдарды колдонуу менен жасалган бейбаштык" деген негиз чыгарды.
