Ирандын президентинин учактагы акыркы видеосу тарады
Ирандын президенти Эбрахим Раиси менен кырсыктаган тик учакты издөө туман, караңгылык жана жаан-чачынга байланыштуу татаалдашып жатат.
Tasnim агенттиги президенттик учактын так жайгашкан жерин аныктоо мүмкүн болгонун кабарлады. Ал Узи айылына жакын жердеги жетүүгө кыйын болгон аймакка катуу конгон.
Бортто президенттен тышкары республиканын тышкы иштер министри Хосейн Амир Абдоллахиан жана Чыгыш Азербайжандын губернатору Малик Рахмати болгон.
Кырсык болгон жерге транспорт менен жетүү мүмкүн эмес, деп жазат Tasnim. Издөө иштеринин тез бүтүү ыктымалдыгы аз.
Раиси Азербайжанга жекшемби күнү келген. Ал жерде өлкөнүн президенти Илхам Алиев менен бирге Худаферин ГЭСин ишке киргизүү аземине жана Араз дарыясында курулган Гиз Галасы ГЭСинин ачылышына катышкан.
