ЖЭБдеги жарылуудан жаракат алгандар Түркиянын Адана ооруканасына жаткырылды
4-февралда төрт кыргызстандык Түркиянын Адана көп тармактуу ооруканасына жеткирилди. Алардын арасында тик учак авариясынан жабыркаган бир бейтап бар. Бул тууралуу ЖЭБдеги кырдаал боюнча ММКлар штабы билдирди.
Бейтаптарды Кыргызстандын Анталиядагы башкы консулу Рустам Кошонов жана Түркиянын Саламаттыкты сактоо министрлигинин башкы комбустиологу профессор, доктор Корай Даш тосуп алышты. Дароо келген бейтаптар кошумча диагностикалык жана лабораториялык изилдөөлөрдөн өтүп, андан ары дарылоо үчүн ооруканага жаткырылды. Бейтаптарды коштоп жүргөн реаниматолог Жеңишбек Келдибеков төрт бейтап тең учуу жакшы экенин, абалы туруктуу экенин белгиледи.
Жабырлануучуларга жардам көрсөтүү боюнча бардык чаралар Садыр Жапаровдун жеке көзөмөлүндө экени белгиленет. Жабыркагандарды Түркияга жеткирүү жана андан ары дарылоо үчүн каржылык каражат бөлүндү.
Башкы беттеги сүрөт: иллюстрациялык
