Садыр Жапаров Нью-Йоркто Эмомали Рахмон менен сүйлөштү
1969
Садыр Жапаров Нью-Йорк шаарында (АКШ) өтүп жаткан БУУнун Башкы Ассамблеясынын 78-сессиясынын алкагында Тажикстандын президенти Эмомали Рахмон менен жолугушту. Бул туурасында президенттин администрациясынан маалымдашат.
Сүрөт: Президенттин администрациясы
Жолугушууда өлкө лидерлери кыргыз-тажик эки тараптуу жана көп тараптуу кызматташуунун артыкчылыктуу багыттарын жана келечегин талкуулашты.
Садыр Жапаров менен Эмомали Рахмон кыргыз-тажик мамлекеттик чек арасын делимитациялоо жана демаркациялоо маселелерине өзгөчө көңүл буруп, башка темалар боюнча да пикир алмашты.
Белгилесек, 14-сентябрда Садыр Жапаров Эмомали Рахмондун чакыруусу менен Душанбеге барып, Борбор Азия мамлекеттеринин башчыларынын Бешинчи консультативтик жолугушуусуна катышкан.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://sanaripkg.kaktus.media/14472
