Түрк оппозициясы шайлоонун жыйынтыгын тааныды. Бирок эл акцияга чыга баштады
Түркияда шайлоодон кийинки алгачкы нааразычылык акциялар башталды. Бул тууралуу Hot Telegram каналы жазды.
Анда өлкөнүн түштүк-чыгышындагы Хаккари провинциясында демонстрация уюштуруу аракети болуп, полиция топтолгондорду суу аткычы менен токтотту.
Эрдоган Хаккариде 28% гана добуш алган. Аймактын тургундарынын көбүн күрттөр түзөт, бул өлкөнүн эң сепаратисттик аймактарынын бири.
Бул арада түрк оппозициясы өлкөдөгү президенттик шайлоонун жыйынтыгын кабыл алды.
Альянстын мүчөсү, "Жакшы партиянын" лидери Мерал Акшенер, Кемал Кылычдароглун бирдиктүү президенттикке талапкер катары көрсөткөн алты оппозициялык партиянын альянсы президенттик шайлоонун экинчи айлампасынын жыйынтыгын кабыл алып, сабак ала турганын айтты. Бул тууралуу Риа Новостижазды.
"Шайлоочулардын пикири биз үчүн негизги көрсөткүч, алардын каалоосунан маанилүү эч нерсе жок. Шайлоочу өз оюн билдирди. Бул белгини туура кабыл алып, түшүнүп, керектүү чараларды көрүшүбүз керек... Биз бул шайлоодон кийин сабак алабыз. Биз үчүн маанилүүсү - эртеңки күн. Бул башталышы", - деген Акшенер маалымат жыйынында.
Кылычдароглу өзү алдын ала жыйынтыктар боюнча утулуп калган президенттик шайлоонун экинчи айлампасынан кийинки биринчи интервьюсунда акыркы жылдардагы эң адилетсиз шайлоо жараянын жарыялап, демократия үчүн күрөштү уланта турганын убада кылды. Бирок ал жеңилгендигин моюнга алган, албаганын так, ачык айткан жок.
Азырынча Түркиянын азыркы президенти Эрдоган 52,09%, анын атаандашы Кылычдароглу 47,91% добушка ээ. Акыркы маалыматтарда бюллетендердин 98,34% саналып бүттү. Түркиянын Борбордук шайлоо комиссиясы акыркы жыйынтыкты жарыялай элек.
