Дене тарбия жана спорт департаментинин башчысы Канат Шабданбаев кызматтан кетти
Маданият министрлигине караштуу Дене тарбия жана спорт департаментинин башчысы Канат Шабданбаев кызматтан кетти. Бул тууралуу Kaktus.media сайтына өздүк булактар билдирди.
Айтымдарында, ал өткөн аптада кызматтан кетип, ушул аптада бажы кызматынын түзүмүнө өткөн. Учурда бул кызматка анын досу Айбек Абдымомунов талапкерлигин көрсөтүп жатканы айтылды.
"Абдымомунов өзүнүн башкаруучулук тажрыйбасы жок, бирок Шабданбаевдин мамлекеттик жогорку бийлик өкүлдөрү менен тыгыз байланышы бар", - деп белгилейт булак.
Шабданбаевдин спорт департаментинин жетекчилигинен кеткени тууралуу расмий маалымат болгон эмес. Башкармалыктын өзүндөгү булактар Абдымомуновдун бул кызматка дайындалышы мүмкүн деген кептерди угушканын, бирок азырынча эмгек жамаат менен тааныштыруу боло электигин белгилешти.
Белгилей кетсек, 2020-жылдагы октябрь окуясынан кийин Канат Аманкуловдун ордуна Шабданбаев Жаштар иштери, дене тарбия жана спорт мамлекеттик агенттигинин директору болуп дайындалган. Ал мамлекеттик агенттиктин статусун Маданият министрлигине караштуу департаментке түшүрүүгө жол берип, спортчулардын мелдештерге баруусуна, спорттук иш-чаралардын өтүшүнө тыюу салганы менен спорт коомчулугунун эсинде калган.
