Самат Абдырахманов дагы жеңишке жетишти. Мушташтан кийин аны Флойд Мейвезер куттуктады
Agenda Arena (Дубай, БАЭ) аренасында өткөн Hardcore Boxing турниринде уюмдун учурдагы орто салмактагы чемпиону Самат Кыргыз Абдырахманов аргентиналык Николас Дэвид Верон менен беттешти.
Калыстардын добушу менен беттештин жыйынтыгы 39-35 болуп, Абдырахмановдун пайдасына аяктады.
Мушташ аяктагандан кийин Самат Кыргыз Абдрахманов күйөрмандары, атаандаштары ага "кыргыз Флойду" деген лакап ат койгонун айтты. Бирок ал макул эместигин белгилеп, кайсыл бир убакта Флойд Мейвезерди "Самат Кыргыз" деп аташат деген ишенимин билдирди.
Белгилей кетсек, Абдырахманов 30 күндүн ичинде ар кандай дисциплинада эки беттеш өткөрүүгө жетишти.
24-февралда Мартин Лютер Жуарян менен титул үчүн беттешкен. Бирок ал күрөш тең чыгуу менен аяктап, анын айынан Абдырахманов Анатолий Суляновдун уюмундагы эки титулду бириктире алган эмес.
Эске салсак, Флойд Мейвезер Самат Абдрахмановду жеңишинен кийин куттуктаган.
