Депутат катышкан мушташ. Бишкек милициясы маалымат берди
Бишкектеги ресторанда орун алган мушташтын бардык катышуучулары аныкталды. Бул тууралуу Kaktus.media сайтына Бишкек ШИИББинен билдиришти.
Маалым болгондой, 12-мартта Д.А., Октябрь РИИБине кайрылып, белгисиз адамга чара көрүү өтүнгөн. Ал 12-мартта саат 03:30дар чамасында Бишкектин Элебаев көчөсүндө жайгашкан ресторандардын биринде белгисиз адам коомдук тартипти жана жалпы кабыл алынган жүрүм-турум нормаларын бузуп, аны сабап салган.
Жабырлануучу Улуттук госпиталга кайрылып, "баш мээнин жабык жаракаты" диагнозу коюлган.
Бул факты каттоого алынып, тергөөгө чейинки текшерүү иштери башталып, соттук-медициналык экспертиза дайындалды.
Мушташка катышкандардын бардыгы аныкталып, мыйзам чегинде жоопко тартылышат.
Белгилей кетсек, сөз болжол менен Жогорку Кеңештин депутаты Жаныбек Абировго байланыштуу окуя тууралуу болуп жатат.
